کیا ایک ہی امام ایک ہی جنازہ دو مرتبہ پڑھا سکتا ہے؟

واضح رہے کہ نماز جنازہ کا تکرار شرعاً مشروع نہیں ہے، اس لیے کسی میت کی دو مرتبہ نمازِ جنازہ پڑھانا ہی درست نہیں، خواہ ایک امام پڑھائے یا الگ الگ، البتہ اگر پہلا جنازہ ولی کی اجازت کے بغیر پڑھ لیا گیا ہو تو ایسی صورت میں ولی دوبارہ نمازِ جنازہ پڑھ سکتا ہے، لیکن دوسرے جنازہ میں ایسا آدمی شریک نہیں ہو سکتا جو پہلے جنازے میں شریک تھا؛ کیوں کہ پہلی مرتبہ جنازہ پڑھنے سے فرض کفایہ  ادا ہو گیا، اگر دوسری مرتبہ ادا کرے گا تو وہ نفل واقع ہو گا اور جنازہ میں نفلی طور پر شریک ہونا درست نہیں۔

خلاصہ یہ کہ ایک امام ایک میت پر دو مرتبہ نماز نہیں پڑھا سکتا۔

الفتاوى الهندية (1/ 163):

"ولايصلى على ميت إلا مرةً واحدةً و التنفل بصلاة الجنازة غير مشروع، كذا في الإيضاح. و لايعيد الولي إن صلى الإمام الأعظم أو السلطان أو الوالي أو القاضي أو إمام الحي؛ لأنّ هؤلاء أولى منه وإن كان غير هؤلاء له أن يعيد، كذا في الخلاصة."

فقط واللہ اعلم