تنخواہ ملنے کے باوجود امامِ مسجد کا صدقہ فطر مانگنا

صدقہ فطر کا مصرف مستحقِ زکات ہے، اس کا تعلق تنخواہ مقرر ہونے یا نہ ہونے سے نہیں ہے لہذا اگر مذکورہ امام مستحق ہوں تو انہیں صدقہ فطر دینا جائز ہے اور مستحق نہ ہوں تو انہیں صدقہ فطر دینا درست نہیں ہے۔

رہی بات صدقہ فطر کے لیے اعلان کرنا، تو واضح ہو کہ اگر مذکورہ امام  کے پاس ایک دن کا کھانا ہو اور ستر ڈھانکنے کےلیے  کپڑا ہو تو ان کے لیے لوگوں سے مانگنا جائز نہیں ہے،  البتہ اگر ان  پر فاقہ ہو یا واقعی کوئی سخت ضرورت پیش آگئی ہو جس کی وجہ سے وہ انتہائی مجبوری کی بنا پر سوال کریں تو اس کی گنجائش ہے، لیکن مانگنے کے لیے اعلان کرنا بالکل بھی مناسب نہیں ہے۔ مسجد انتظامیہ کو چاہیے کہ امامِ مسجد کا اتنا معقول مشاہرہ مقرر کریں جس سے ان کی ضروریات پوری ہوسکیں۔

الفتاوى الهندية (1/ 189):

"ويجوز دفعها إلى من يملك أقل من النصاب، وإن كان صحيحاً مكتسباً، كذا في الزاهدي".

فقط واللہ اعلم