خواب میں نذر ماننے سے کیا نذر لازم ہوگی؟

واضح رہے کہ سوتا ہوا آدمی، نابالغ اور مجنون شرعی احکام کے مکلف نہیں ہیں، نیز  انبیاءِ کرام علیہم السلام کے علاوہ کسی کا خواب شرعی حجت نہیں ہوتا، لہٰذا حالتِ خواب میں اگر کسی نے حادثاتی ماحول دیکھ کر منت مان لی تو  شرعی اعتبار سے یہ نذر منعقد ہی نہیں ہوئی، لہٰذا اسے پورا کرنا ضروری نہیں ہے۔

البتہ اگر کوئی برا خواب دیکھا ہو تو اللہ تعالیٰ سے اس خواب کے شر سے پناہ مانگنی چاہیے، اور حسبِ توفیق کچھ صدقہ کردیا جائے تو بہتر ہے۔فقط واللہ اعلم