۲۹ روزوں کے بعد عید ہونے کی صورت میں طاق راتیں کون سی ہوں گی؟
سوال
شبِ قدر رمضان المبارک کے آخری عشرے کی طاق راتوں میں تلاش کرنے کا حکم دیا گیا ہے۔ اگر کوئی بندہ طاق راتوں میں عبادت کرے۔ اور بعد میں حکومت عید کا اعلان 29 روزے رکھنے کے بعد کرے تو اس کی وجہ سے ساری ترتیب خراب ہو جاتی ہے۔ اس صورت میں شبِ قدرکا کیا حکم ہے؟
جواب
عید کا اعلان چاہے ۲۹ روزوں کے بعد ہو یا تیس روزوں کے بعد ہو، طاق راتوں کی ترتیب میں کوئی فرق نہیں آتا ہے، دونوں صورتوں میں طاق راتیں ۲۱، ۲۳، ۲۵، ۲۷ اور ۲۹ ہی ہوں گی۔ یعنی (جمہور کے قول کے مطابق) طاق راتوں کا شمار آخری روزے کو دیکھ کر نہیں کیا جائے گا، بلکہ آخری عشرے کی طاق راتوں کی گنتی اکیسویں شب سے شروع ہوکر انتیسویں شب پر مکمل ہوگی۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144109202840
تاریخ19-05-2020
