کیا دادا اپنے مرحوم بیٹے کی اولاد کو اپنی میراث سے حصہ دے سکتا ہے؟

صورتِ  مسئولہ میں دادا اپنے مرحوم بیٹے کی اولاد کو اپنی زندگی میں جو کچھ دینا چاہے دے سکتا ہے، البتہ دادا کی موت کی صورت میں اگر مرحوم دادا کا کوئی بیٹا موجود ہو، تو اس صورت میں پوتے پوتیاں ان کی میراث کے حق دار نہ ہوں گے،  تاہم دادا اپنے مرحوم بیٹے کی اولاد کے حق میں اپنے مال میں سے ایک تہائی انہیں دینے کی وصیت کر سکتا ہے۔ فقط واللہ اعلم