وتر میں قنوت بھول کر رکوع میں جانے کے بعد قیام کی طرف لوٹنا

جب  امام وتر  کی آخری رکعت میں  دعاءِ  قنوت بھول کر رکوع میں چلا گیا تھا تو یاد آنے پر یا لقمہ  ملنے پرواپس نہیں لوٹنا  چاہیے تھا،  بلکہ اخیر  میں سجدہ سہو کرکے نماز مکمل کرلینی تھی، لیکن اگر لوٹ کر دعائے قنوت پڑھ  لی تو اس سے نماز  فاسد نہیں ہوئی اورجب آخر میں سجدہ سہو کرلیا تو تلافی ہوگئی اوروتر درست ادا ہوگئے،اب اعادہ کی ضرورت نہیں۔

باقی جن مقتدیوں نے امام کی اقتدا نہیں کی یعنی امام کے ساتھ یا امام کے بعد رکوع نہیں کیا ان کی نماز فاسد ہوگئی،  وہ وتر کا اعادہ کریں۔

الدر المختار وحاشية ابن عابدين (رد المحتار) (2/ 84):

"لو سها عن القنوت فركع فإنه لو عاد وقنت لاتفسد على الأصح."

الدر المختار وحاشية ابن عابدين (رد المحتار) (1/ 630):

"ومسابقة المؤتم بركن لم يشاركه فيه إمامه كأن ركع ورفع رأسه قبل إمامه ولم يعده معه أو بعده."

فقط واللہ اعلم