جمعہ اور عید کی نماز فاسد ہو جائے تو کیا کرے؟

اگر جمعہ کی نماز میں امام سے ایسی کوئی غلطی ہو جائے جس سے نماز فاسد ہو جاتی ہو تو جمعے کے وقت کے اندر جماعت سے اس نماز کا اعادہ کرنا چاہیے۔ اگر کوئی مقتدی اس مسجد سے جاچکاہو اور اسے نماز فاسد ہونے کا علم ہوجائے تو  وقت کے اندر اندر دوسرے امام کی اقتدا میں ادا کرسکتا ہے۔

اور اگر وقت گزرنے کے بعد نماز کے فساد کا  علم ہو تو جمعے کی بجائے ظہر کی چار رکعت پڑھے، اور عید کی قضا نہیں۔

اور اگر جمعہ یا عید کی نماز میں امام سے ایسی کوئی غلطی ہوجائے جس سے سجدہ  سہو واجب ہوتا ہو، لیکن مجمع زیادہ ہونے کی وجہ سے مجمع کے انتشار ( غلط فہمی) میں پڑنے کا اندیشہ ہو  تو ایسی صورت میں سجدہ سہو نہ کرنا افضل ہے۔

الدر المختار وحاشية ابن عابدين (رد المحتار) (2/ 92):

" (والسهو في صلاة العيد والجمعة والمكتوبة والتطوع سواء) والمختار عند المتأخرين عدمه في الأوليين لدفع الفتنة كما في جمعة البحر، وأقره المصنف، وبه جزم في الدرر.

فقط واللہ اعلم