شہوت ختم ہونے کے بعد منی کا نکلنا

1۔ صورتِ  مسئولہ میں  شہوت ختم  ہونے  اور عضو مخصوص میں انکسار کے  بعد اگر منی نکلے، تو اس سے غسل فرض نہیں ہوتا، نیز اگر منی کا خروج نہ ہو، صرف مذی  نکلے تو اس صورت میں بھی غسل فرض نہ ہوگا۔

البحر الرائق میں ہے:

’’فرض الغسل عند خروج المني موصوف بالدفق و الشهوة عند الانفصال عن محله‘‘.

(كتاب الطهارة، [ المعاني الموجبة للغسل] ١/ ٥٥، ط: سعيد)

2۔ منی یا مذی کے قطرے کپڑے کے جس حصہ میں لگے ہوں وہ حصہ نا پاک ہوجائے گا، صرف اس حصے کو پاک کرنا ضروری ہوگا، البتہ سارے کپڑے کو پاک کرنا ضروری نہیں۔  فقط واللہ اعلم