امام کا وتر میں دعاء قنوت کے بھول کر رکوع میں جانے کے بعد دوبارہ قیام کی طرف لوٹنا

 صورتِ  مسئولہ میں امام وتر کی آخری رکعت میں جب دعائے قنوت بھول کر رکوع میں چلا گیا تھا تو یاد آنے پر یا لقمہ ملنے پرواپس نہیں لوٹنا چاہیے تھا،  بلکہ اخیر   میں سجدہ سہو کرکے نماز مکمل کرلینی  چاہیے تھی، لیکن اگر لوٹ کر دعائے قنوت پڑھ  لی  تو اس سے نماز فاسد نہیں ہوئی، البتہ  نماز کے آخر میں سجدہ سہو  کرنا لازم ہوگیا تھا، اگر امام نے آخر میں سجدہ سہو نہیں کیا تو  نماز نقصان کے ساتھ ادا ہوئی، نماز کے وقت کے اندر یعنی اس دن فجر کا وقت داخل ہونے سے پہلے پہلے اس کا اعادہ واجب تھا، وقت نکلنے کے بعد  نماز کو لوٹانا  واجب نہیں۔

فتاوی شامی میں ہے:

’’کما لو سها عن القنو ت فرکع فإنه لو عاد وقنت لاتفسد صلاته علی الأصحّ‘‘. (2/84)

فقط واللہ اعلم