عورت کے نکاح میں شرائط

نکاح میں رکھی جانے والی شرائط  مختلف ہوسکتی ہیں، بعض جائز اور بعض ایسی ہوسکتی ہیں جو شرعاً غیر معتبر ہوں، اصولی بات یہ ہے کہ جس جائز شرط پر جانبین کا اتفاق ہوجائے تو وہ درست ہے۔ اور جو شرط شرعاً درست نہ ہو ایسی شرط رکھنا درست نہیں ہے۔

مثلاً اگر یہ شرط رکھی جائے کہ  بیوی کو طلاق کا اختیار ہو گا تو ایسی شرط رکھنا جائز ہو گا اور اگر یہ شرط رکھی جائے کہ شوہر  طلاق دینے کی صورت میں (مثلاً) مہر کے علاوہ دو لاکھ روپے ادا کرے گا  تو ایسی شرط معتبر نہیں ہوگی۔

  جس شرط کی شرعی حیثیت معلوم کرنی ہو  وہ شرط بتاکر معلوم کیا جاسکتا ہے۔فقط واللہ اعلم