عام جنتری کے مطابق افطار کرنا

واضح رہے کہ جو جنتری طلوع اور غروب کی صحیح ہو اور اس کا تجربہ بھی ہوچکا ہو تو صحیح گھڑی سے (یعنی معیاری وقت سے) اس کے مطابق افطار اور مغرب کی نماز پڑھنا درست ہے۔

لہذا صورتِ مسئولہ میں زید کے شہر کے لیےعام معتمدجنتریوں اور گوگل پر ذکر کیے گئے غروبِ آفتاب کے وقت کے درمیان ایک منٹ کا فرق زیادہ فرق نہیں،مختلف جنتریوں میں عام طور پر ایک دو منٹ کا فرق احتیاط  کی غرض سے بھی ہوتا ہے، لہذا اگر عام جنتریوں کے مطابق غروبِ آفتاب کا وقت 6:29 ہے اور گوگل پر 6:30 تو احتیاط اسی میں ہے کہ 6:30 پر افطار کی جائے، لیکن اگر کسی نے عام مستند جنتریوں پر اعتماد کرتے ہوئے 6:29 پر افطار کرلی تو روزہ مکمل ہوگیا ہے۔ فقط و اللہ اعلم