7 تولہ سونا اور 7 تولہ چاندی کی زکوٰۃ

سونے اور چاندی کی قیمت میں اتار چڑھاؤ ہوتا رہتا ہے، اس لیے حتمی طور پر  زکوٰۃ  کی  رقم نہیں بتائی جاسکتی، البتہ آپ زکوٰۃ کا سال مکمل ہونے پر سونے اور چاندی کی مارکیٹ ویلیو معلوم کرلیں، اس کے علاوہ آپ کے پاس بنیادی ضرورت سے زائد جو نقدی  اور مال تجارت ہے  اس کی بھی قیمت لگائیں، پھر اگر آپ کے اوپر کوئی قرض ہے تو وہ اس میں سے نکالیں ، جتنی رقم بچ جائے  اس مجموعہ کو چالیس سے تقسیم کرلیں، یوں آپ کے سامنے ڈھائی فیصد زکوٰۃ  کی رقم آجائے گی۔ فقط واللہ اعلم