شوہر کے کمرے میں ہوتے بیوی کا اعتکاف کرنا

عورت کمرے میں  اعتکاف کے لیے کوئی جگہ مختص کرلے تو اسی کمرے میں شوہر  رہنا چاہے تو وہ بھی رہ سکتا ہے، البتہ شوہر  کے لیے بیوی سے ازدواجی تعلقات قائم کرنا جائز نہیں ہوگا، اور عورت کے لیے اعتکاف کے لیے  مختص کی گئی جگہ عورتوں کے حق میں ایسی ہے جیسے مردوں کے لیے مسجد ہے، اس لیے اعتکاف کی حالت میں طبعی اور شرعی ضرورت کے بغیر اس کا  وہاں سے باہر نکلنا درست نہیں ہے۔

الفتاوى الهندية (1/ 211):
"والمرأة تعتكف في مسجد بيتها، إذا اعتكفت في مسجد بيتها فتلك البقعة في حقها كمسجد الجماعة في حق الرجل، لاتخرج منه إلا لحاجة الإنسان، كذا في شرح المبسوط للإمام السرخسي". فقط والله أعلم