روزے کی حالت میں غرغرہ کا حکم

اگر روزے کی حالت میں احتلام کی وجہ سے غسل فرض ہوجائے تو غسل کرتے ہوئے غرغرہ نہیں کرنا چاہیے، صرف کلی کرنا کافی ہے، اسی طرح ناک میں پانی ڈالتے ہوئے بھی احتیاط کرنی چاہیے کہ پانی نرم ہڈی سے اوپر نہ چڑھ جائے، کیوں کہ وہاں سے حلق میں بھی اتر سکتاہے اور دماغ تک بھی پہنچ سکتاہے۔  اور روزے کی حالت میں کیا ہوا غسل ہی کافی ہو گا،  روزہ افطار کرنے کے بعد غرغرہ کرنے اور ناک میں اچھی طرح پانی ڈالنے کی ضرورت نہیں۔ فقط واللہ اعلم