سحری میں اوجھڑی پکا کر کھانا

حلال جانور کی اوجھڑی کھانا جائز ہے، البتہ خوب پاک وصاف کرکے کھانی چاہیے، اور اسے سحری میں پکا کر کھایا جائے تو بھی کوئی حرج نہیں ہے۔

’’امداد الفتاوی‘‘ میں ہے:

’’اوجھڑی کی حلت اس لیے ہے کہ اس میں کوئی وجہ حرمت کی نہیں،  فقہاء نے اشیائے حرام کو شمار کردیا ہے،  یہ ان کے علاوہ ہے، یہ شمار ’’درمختار‘‘  کے مسائل شتٰی میں مذکور ہے: ’’والغدة، والخصیة والمثانة، والمرارة، والدم المسفوح، والذکر‘‘. اهـ. ‘‘(4/104)

’’فتاوی رحیمیہ‘‘  میں ہے:

’’ فقہاء نے جانور کی سات چیزوں  کو حرام قراردیا ہے ان سات چیزوں  میں  اوجھڑی شامل نہیں  ہے ، لہذا اسے حلال کہا جائے گا، جو اسے حرام قرار دیتے ہیں  وہ دلیل پیش کریں‘‘۔  (10/81، ط: دارلاشاعت) فقط واللہ اعلم