پرائز بانڈ کے پیسوں سے عمرہ

پرائز بونڈ سے حاصل شدہ انعامی رقم سود ہونے کی وجہ سے ناجائز اور حرام ہے، اور حرام رقم کو عبادات میں خرچ کرنا اور اس پر اجر و ثواب کی امید رکھنا جائز نہیں ہے۔  لہذا عمرہ کے لیے حلال رقم خرچ کی جائے ورنہ یہ عبادات قبول نہیں ہوں گی۔  تاہم اصل رقم جو لگائی تھی، اسے عمرے یا دیگر جائز مصارف میں استعمال کرسکتا ہے۔

فتاوی بینات میں ہے :

’’۔۔۔اس لیے پرائز بانڈز کی خرید و فروخت کرنا اور اس سے ملنے والا انعام حاصل کرنا از روئے شرع ناجائز اور حرام ہے، شیطانی عمل ہے، گندا معاملہ ہے، واجب الترک ہے کہ اس کے ترک میں انسانی فلاح و کامیابی ہے، اس کے خلاف کرنے میں شیطانیت ہے، اپنے کو گندا کرنا ہے، رب کریم کے غیظ و غضب کو دعوت دینا ہے، اللہ تعالی تمام مسلمانوں کو ہدایت دے، دین کا فہم دے اور ہدایت کو قبول کرنے کی توفیق دے‘‘۔ (ج۴ / ص۲۲۷) فقط واللہ اعلم