ایک پلاٹ اور کاروباری رقم ہے، زکاۃ کا حکم
سوال
میں نے ایک پلاٹ سیل کیا ہے تقریباً ایک ماہ پہلے، اس کی آدھی قیمت سے میں نے ایک اور پلاٹ خرید لیا ہے، اور آدھی قیمت میں نے کاروبار کےلیے رکھی ہوئی ہے، کیااس پر زکاۃ بنتی ہے؟
جواب
پلاٹ بیچ کر اس کی آدھی قیمت سے آپ نے جو پلاٹ خریدا، اگر اس (دوسرے) پلاٹ کو خریدتے وقت اسے بیچنے کی نیت سے خریدا ہے تو اس کی قیمتِ فروخت پر زکاۃ لازم ہوگی اور اگر آگے بیچنے کی نیت سے نہیں خریدا تو اس پر زکاۃ لازم نہیں ہوگی۔ کاروبار کے لیے رکھی ہوئی رقم پر زکاۃ لازم ہے۔
نوٹ : زکاۃ کا یہ حکم، زکاۃ کا سال پورا ہونے پر اور مذکورہ اشیاء کی قیمت دیگر اموال (نقدی، سونا چاندی، مالِ تجارت) کے ساتھ ملا کر نصاب سے زائد ہونے کی صورت میں ہے۔
الدر المختار وحاشية ابن عابدين (رد المحتار) (2 / 274):
"ولو نوى التجارة بعد العقد أو اشترى شيئًا للقنية ناويًا أنه إن وجد ربحا باعه لا زكاة عليه". فقط و الله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
