بینک میں رکھے ہوئے سونے پر زکاۃ

سونا چاہے استعمال کے لیے ہو، زیوارت کی شکل میں ہو یا بینک لاکر میں رکھا ہوا ہو،  بہر صورت سونے پر زکاۃ واجب ہے۔ اگر بینک میں رکھا ہوا سونا تنہا نصاب کے برابر ہو (یعنی ساڑھے سات تولہ یا اس سے زیادہ ہو)یابینک میں رکھا ہوا سونا ساڑھے سات تولہ سے کم ہو لیکن دیگر اموال یعنی چاندی،  نقد رقم یا مال تجارت کے ساتھ مل کر ساڑھے باون تولہ چاندی کی قیمت کو پہنچ جائے تو  سالانہ اس پر زکاۃ لازم ہے، مجموعی مالیت کا ڈھائی فیصد زکاۃ میں نکالاجائےگا۔فقط واللہ اعلم