صاحبِ نصاب کب بنتا ہے؟

اگر کسی عاقل بالغ مسلمان کے پاس صرف سونا ہو تو اس کا نصاب ساڑھے سات تولہ سونا ہے اور اگر چاندی ہے تو  نصاب ساڑھے باون تولہ چاندی ہے، اگر سونا اور چاندی دونوں کچھ کچھ ہوں، یا ان کے ساتھ مالِ تجارت یا نقدی ہو، یا صرف نقدی یا مال تجارت ہو تو ان سب صورتوں  میں چاندی کے نصاب کو معیار بنایا جائے گا، یعنی ساڑھے باون تولہ چاندی کی جو موجودہ قیمت بنتی ہے اس کے برابر یااس سے زائد نقد رقم یا مال تجارت ہوتو سال گزرنے پر زکاۃ لازم ہے۔چاندی کی موجودہ قیمت کے اعتبار سے رواں سال(یعنی 1441ھ - 2020ء)  46329(چھالیس ہزار تین سو  انتیس) روپے  زکاۃ کے نصاب کے لیے مقرر کیے گیے ہیں ۔فقط واللہ اعلم