قرآن پر ہاتھ رکھ کر جھوٹی قسم کھانے کا ازالہ

صورتِ مسئولہ میں چوری کرکے قرآنِ کریم پر  ہاتھ  رکھ  کر جھوٹی قسم کھا نا کہ چوری نہیں کی یہ گناہ در گناہ ہوا،  اس پر اللہ تعالی سے سچے دل سے توبہ کرے، اور جس آدمی کی رقم چوری کی تھی اس کا یا اس کے ورثاء کا پتا لگانے کی بھرپور کوشش کرے اور معافی مانگ کر ان کی رقم ان کو واپس کرے،  اگر تمام  تر  کوششوں کے باوجود ان سے رابطہ نہ ہوسکے تو یہ رقم اس شخص کی طرف سے نیت کرکے صدقہ کردے  اور اس کے حق میں دعائے مغفرت بھی کرتا رہے۔  فقط واللہ اعلم