جن کپڑوں میں احتلام ہو، غسلِ جنابت کے بعد وہی کپڑے دوبارہ پہننا

کپڑے کے جس حصہ پر منی لگی ہو، اس حصہ کو  تین مرتبہ اچھی طرح دھو کر ہر مرتبہ اس طرح نچوڑ لیں کہ قطرے ٹپکنا بند ہوجائے، یا بہتے پانی میں اتنی دیر دھوئیں کہ نجاست کے زائل ہونے کا اطمینان ہوجائے، اس سے وہ کپڑا پاک ہوجائے گا، غسلِ جنابت کے بعد  اسی کپڑے کو دوبارہ پہن سکتے ہیں، خواہ وہ ابھی خشک نہ ہوا ہو، پورا کپڑا دھونا و پاک کرنا ضروری نہیں۔

اگر کپڑے پر لگی ہوئی منی کو دھوئے بغیر دوبارہ وہی کپڑے پہن لیے اور اس کی تری جسم پر لگ گئی تو جسم کی وہ جگہ ناپاک ہوجائے گی، نماز سے پہلے کپڑے اور جسم کے اس حصے کو پاک کرنا ضروری ہوگا۔ فقط واللہ اعلم