تراویح میں قرآن مجید دیکھ کر پڑھنا

نماز میں قرآنِ  مجید دیکھ  کر پڑھنے سے نماز فاسد ہوجاتی ہے، خواہ فرض نماز ہو، یا سنت، یا نفل یا تراویح، لہذا صورتِ  مسئولہ میں اگر خود  حافظ قرآن نہ ہو، یا کوئی حافظِ  قرآن دست یاب نہ ہو تو ایسی صورت میں قرآنِ  مجید کی جو سورتیں یاد ہوں، تراویح میں  بس وہی پڑھ  لی جائیں۔

حلبی کبیر میں ہے:

"و إن قرأ المصلي القرآن من المصحف، أو من المحراب تفسد صلاته عند أبي حنيفة رحمه الله". ( مفسدات الصلوة، ص: ٤٤٧، ط: سهيل أكاديمي)

البحر الرائق میں ہے:

"(و قراءته من مصحف) أي يفسدها". ( كتاب الصلاة، باب ما يفسد الصلاة و ما يكره فيها، ٢ / ١٠، ط: سعيد) فقط والله أعلم