جہیز میں ملے سونے کی مالک لڑکی ہے
سوال
میری زوجہ کی ملکیت میں زیورات ہیں جو ان کو شادی میں میکے کی طرف سے ملے ہیں، اور زوجہ زندہ ہیں الحمد للہ، ان زیورات میں شوہرکاکوئی حق بنتا ہے؟ اگر بنتا ہے تو شریعت کا کیا حکم ہے؟اور کیا میکے والوں کا ان زیورات پر حق ہے کہ وہ زیورات واپس لے جائیں؟
جواب
شادی کے موقع پر جہیز میں جو زیورات لڑکی کو دیے جائیں، لڑکی اس کی مالک ہوتی ہے۔ شوہر اور لڑکی کے گھر والوں کا لڑکی کی زندگی میں اس میں کوئی حق نہیں ہوتا۔
الفتاوى الهندية (1 / 327):
"لو جهز ابنته وسلمه إليها ليس له في الاستحسان استرداد منها، و عليه الفتوى". فقط و الله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144108201934
تاریخ22-04-2020
