بیس سال پہلے چوری کی گئی رقم مالک کو لوٹانے کا طریقہ
سوال
میں نے آج سے 20 سال پہلے ایک صاحب کے 5000 روپے چوری کیے تھےٍ اور اب یہ پیسے اس کو واپس لوٹانے کا مصمم ارادہ کر لیا ہے، میرا سوال یہ ہے میں اسے 5000 ہی واپس کروں گا یا اوپر پیسے دینے پڑیں گے؟
جواب
صورتِ مسئولہ میں بیس سال پہلے چوری کیے گئے پانچ ہزار مالک کو اب واپس کرتے ہوئے وہی پانچ ہزار ہی ادا کرنا لازم ہوں گے، اس سے زیادہ ادا کرنا لازم نہیں ہوں گے۔ البتہ چوری کرنا کبیرہ گناہ ہے، اس پر خوب توبہ واستغفار کرنا بھی ضروری ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144108201855
تاریخ21-04-2020
