پابندی کی وجہ سے چند مقتدیوں کے علاوہ باقی مقتدیوں کا مسجد کی اوپر والی منزل سے اقتدا کرنا

مسجد  میں  باجماعت نماز میں کسی ضرورت کے بغیر  نچلی منزل میں صفوں میں جگہ ہوتے ہوئے نمازیوں کا اوپر والی منزل سے اقتدا  کرنا مکروہ ہے، آج کل کے حالات میں  مساجد میں نماز پڑھنے  کی اجازت ہے، لہذا  پہلی منزل پوری کرنے کے بعد دوسری اور تیسری منزل میں صفیں بنائی جائیں،  اگر کسی علاقے کی مساجد میں اب بھی ایس او پیز  کی پابندی ہو  اور انتظامیہ کی طرف سے سختی ہو تو بھی جس حد تک ہوسکے  پہلی منزل پوری کرکے دوسری منزل میں صفیں بنائی جائیں۔ اور اگر  کہیں اس پر  بھی پابندی ہو تو سوال میں مذکورہ طریقے کے مطابق مسجد میں  تراویح ادا کرنے سے تراویح ادا ہوجائے گی۔

الفتاوى الهندية (5/ 322):

"الصعود على سطح كل مسجد مكروه، و لهذا إذا اشتد الحر يكره أن يصلوا بالجماعة فوقه، إلا إذا ضاق المسجد فحينئذ لايكره الصعود على سطحه للضرورة، كذا في الغرائب."

فقط واللہ اعلم