ناپاک تکیہ کو پاک کرنے کا طریقہ

اگر تکیہ پر منی لگ جانے کی وجہ سے تکیہ ناپاک ہوجائے تو اسے پاک کرنے کا طریقہ یہ ہے کہ تکیہ کو اس طرح دھولیا جائے کہ نجاست کا تکیہ سے زائل ہونے کا یقین ہوجائے۔ اس کا ایک آسان طریقہ یہ ہے کہ جس جانب نجاست لگی ہو اس جانب کو پکڑ کر اس پر پانی بہاکر پھر نچوڑ دیا جائے، اسی طرح تین دفعہ پانی بہا کر ہر مرتبہ اچھی طرح نچوڑنے سے تکیہ پاک ہوجائے گا، اور اگر نچوڑنا ممکن نہ ہو تو ہر مرتبہ دھونے کے بعد اسے اس طرح رکھ دیا جائے کہ پانی ٹپک کر قطرے بہنا بند ہوجائیں، تین مرتبہ اس طرح دھونے سے پاک ہوجائے گا۔ فقط واللہ اعلم