مرحوم کی بیوہ کا مرحوم کی والدہ کے گھر میں حصہ

صورتِ  مسئولہ میں مرحوم کی والدہ کے گھر میں مرحوم کی دونوں بیواؤں کا شرعی حصہ نہیں ہے، اس لیے مذکورہ گھر میں سے حصہ مانگنے کا مطالبہ درست نہیں ہے۔ شوہر کے انتقال کے بعد بیوہ کی کفالت کی ذمہ داری اس کے ولی (مثلاً بالغ بیٹا، وہ نہ ہو تو باپ، وہ نہ ہو تو بھائی، وہ نہ ہو تو چچا) پر ہے۔ البتہ مرحوم نے جو جائیداد چھوڑی ہے، اس میں سے تجہیز و تکفین کے اخراجات اور قرض ہوں تو ان کی ادائیگی کے بعد، اگر اس نے کوئی جائز وصیت کی ہو تو اسے ایک تہائی ترکے میں سے نافذ کرنے کے بعد  اگر مرحوم کی اولاد ہو تو  مابقیہ ترکہ میں سے آٹھواں حصہ (12.5%) د اور اگر مرحوم کی اولاد نہ ہو تو (25%) دونوں بیواؤں کے درمیان برابر برابر تقسیم ہوگا۔ فقط واللہ اعلم