بیوی کی بہنیں محرم ہیں یا نا محرم؟ پردہ سے متعلق کتابوں کی راہنمائی

بیوی کی بہنیں غیر محرم ہوتی ہیں، اس لیے ان سے پردہ کرنا چاہیے۔

پردے  کے احکام سے متعلقہ آیات کی تفسیر کے لیے سورۂ نور اور سورۂ احزاب میں آیاتِ حجاب اور آیاتِ ستر کی تفسیر "معارف القرآن" (مفتی محمد شفیع صاحب رحمہ اللہ) کا مطالعہ کیجیے، اسی طرح سورۂ نساء میں آیاتِ محرمات کی تفسیر بھی دیکھ لیجیے۔ نیز پردے سے متعلقہ آیات اور احادیث نیز ان کی روشنی میں پردے کے احکام کے بارے میں تفصیل جاننے کے لیے مندرجہ ذیل کتابوں کا مطالعہ کرنا مفید رہے گا:

۱) قاری محمد طیب صاحب رحمہ اللہ کی کتاب ’’شرعی پردہ‘‘۔

۲) مولانا نور احمد صاحب کی کتاب ’’پردہ شرعی کی چہل حدیث‘‘۔

۳) عبد الرحمٰن کیلانی صاحب کی ’’احکام ستر و حجاب‘‘۔ فقط واللہ اعلم