کیا ساڑھے پانچ تولہ سونے پر زکاۃ واجب ہے؟

اگر ساڑھے پانچ تولہ سونے کے ساتھ اموالِ زکاۃ (چاندی، نقدی، مالِ تجارت وغیرہ) میں سے کچھ بھی نہ ہو تو زکاۃ واجب نہیں۔

اور اگر ساڑھے پانچ تولہ سونے کے ساتھ  دیگر اموالِ زکاۃ میں سے کچھ بھی ہو،  مثلاً بنیادی ضرورت سے زائد  کچھ نقدی رکھی ہو  اور  نقدی اور سونے کی مجموعی مالیت ساڑھے باون تولہ چاندی کی قیمت کے برابر یا اس سے زائد ہو تو اس کا چالیسواں حصہ بطور زکاۃ ادا کرنا لازم ہوگا۔ مذکورہ صورت میں اگر آپ کی اہلیہ کے پاس بنیادی ضرورت سے زائد اگر تھوڑی سی بھی نقد رقم موجود ہو تو مجموعی مالیت لامحالہ ساڑھے باون تولہ چاندی سے زیاہ دہوگی، لہٰذا اس صورت میں زکاۃ واجب ہوگی۔ فقط واللہ اعلم