ایک کلو یا ایک لیٹر دودھ 950 گرام یا ملی لیٹر کے حساب سے بیچنے کا حکم
سوال
دودھ کی دکان پر ہمیں ایک کلو دودھ 950 گرام کے حساب سے ملتا ہے، تو ہم بھی اسی لیے اس کو اسی حساب سے آگے بیچتے ہیں، تو اس میں کوئی مسئلہ تو نہیں ہے؟ اس کام میں بچت بھی بہت کم ہے!
جواب
اگر آپ کے پاس ایک کلو یا ایک لیٹر دودھ 950 گرام یا ملی لیٹر کے حساب سے آتا ہے تو آپ کے لیے آگے بھی اسی حساب سے دینا اس شرط پر جائز ہوگا جب کہ آپ خریدار کو اس بات سے مطلع کردیں کہ ہم ایک کلو یا ایک لیٹر دودھ آپ کو 950 گرام یا ملی لیٹر کے حساب سے دیں گے، خریدار کو بتائے بغیر ایسا کرنا جائز نہیں ہوگا۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144108200755
تاریخ06-04-2020
