3 ہزار روپے رکھنے پر فری منٹس
سوال
جیز کیش اکاؤنٹ میں اگر بیلنس 3 ہزار سے زیادہ ہوا تو وہ 100 فری منٹس اور 100 میسج دیتے ہیں، کیا یہ سود ہے؟
جواب
جیز کیش اکاؤنٹ میں جمع کردہ رقم قرض ہے، قرض دینا فی نفسہ تو جائز ہے، لیکن قرض دے کر اس سے کسی بھی قسم کا نفع اٹھانا جائز نہیں ہے؛ اس لیے اس قرض کے بدلے کمپنی جو مشروط منافع دیتی ہے، وہ شرعاً ناجائز ہے؛ اس لیے کہ قرض پر شرط لگا کر نفع کے لین دین کو نبی کریم ﷺ نے سود قرار دیا ہے۔ (مصنف بن أبی شیبہ، رقم:۲۰۶۹۰ ) فقط واللہ اعلم
مزید تفصیل کے لیے درج ذیل لنک پر فتاویٰ ملاحظہ کیجیے:
ایزی پیسہ اکاونٹ کھلوانا، اس سے بل جمع کرانا اور ایزی لوڈ کرنا
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144108200748
تاریخ06-04-2020
