مسجد میں رکھے ہوئے قرآنِ کریم کے نسخوں کو عوام کو دینا

کسی مسجد میں اگر قرآنِ پاک کے  نسخے  اتنے زیادہ جمع ہو جائیں کہ وہ تلاوت کے لیے استعمال ہی نہ ہوتے ہوں تو وہ  نسخے کسی دوسری قریبی مسجد میں دیے جاسکتے ہیں، لیکن لوگوں کو بطورِ ملک قرآنِ کریم کے یہ  نسخے دینا درست نہیں ہے ۔

کفایت المفتی میں ہے:

’’زائد قرآنِ مجیدوں کو دوسری مساجد یا مدرسوں میں پڑھنے کے  لیے دے دیا جائے؛ کیوں کہ ان کے وقف کرنے والوں کی غرض یہی ہے کہ ان قرآن مجیدوں میں تلاوت کی جائے‘‘۔  (کتاب الوقف، ج:7،  ص : 257) فقط واللہ اعلم