عقیقہ میں شریک کر کے صاحبِ جانور اگر پیسہ نہ لے تو یہ کیسا ہے؟

اگر ایک شخص عقیقہ کے لیے بڑا جانور خریدتا ہے اور اس جانور میں کسی دوسرے شخص کو بھی شریک کرتا ہے؛ تا کہ اس میں ایک اور بچے کا عقیقہ ہو سکے تو ایسا کرنا درست ہے، پھر اگر صاحبِ جانور دوسرے شخص سے پیسے نہ لے اور اپنی طرف سے اس کےبچے کا عقیقہ بھی  کر لے تو ایسا کرنا درست ہے اور اس طرح کرنے سے دوسرے شخص کے بچے کا عقیقہ بھی ادا ہو جائے گا اور ایسا کرنا صاحبِ جانور کی طرف سے تبرع اور احسان ہو گا۔فقط واللہ اعلم