عقیقہ کا ساتواں دن جمعہ ہونے کی صورت میں جمعہ کی رات عقیقہ کرنا

حج کے علاوہ دیگر اَحکامِ شرع میں رات کا تعلق آنے والے دن کے ساتھ ہوتا ہے،  یعنی پہلے رات ہوتی ہے اور اس کے بعد دن آتا ہے، لہذا جمعرات کی مغرب کے بعد جو رات ہے وہ شبِ جمعہ ہے،  اس لیے اگر بچہ کی ولادت ہفتہ کے دن ہوئی ہو تو اس کا پیدائش کے حساب سے ساتواں دن جمعہ ہوگا، تو جمعہ کی رات یعنی جو جمعرات کے دن کے بعد ہوتی ہے اس میں عقیقہ کرلیا جائے تو ساتویں دن کی فضیلت حاصل ہوجائے گی۔ اگر آپ کی مراد  جمعہ کی رات سے جمعہ کے دن کے بعد آنے والی رات ہو تو وہ  ہفتہ کی رات شمار ہوگی۔ فقط واللہ اعلم