وضو کے فرائض کون سے ہیں؟

وضو  کے چار فرض ہیں،  یعنی  وضو  میں چار کام لازم ہیں:

1- پورا چہرہ ایک مرتبہ دھونا۔(پیشانی کے بالوں سے ٹھوڑی کے نیچے تک، ایک کان کی لو سے دوسرے کان کی لو تک)

2- دونوں ہاتھ کہنیوں سمیت دھونا۔

3- چوتھائی سر کا مسح کرنا۔

4- دونوں پاؤں ٹخنوں سمیت دھونا۔

قال الله تعالى: 

{يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ ...الآیة} [المائدة: 6]
ترجمہ:  اے ایمان والو : جب تم نماز کے لیے کھڑے ہونے لگو  (اور تم بے وضو ہو) تو اپنے چہرے اور ہاتھوں کو کہنیوں تک دھولیا کرو ، اور اپنے سروں کا مسح کیا کرو ،اور اپنے پاؤں بھی دھولیا کرو۔‘‘

"ففرض الطهارة غسل الأعضاء الثلاثة ومسح الرأس كذلك بهذا النص".(الهدایة) فقط واللہ اعلم