رمضان المبارک میں نکاح کرنا

شریعتِ  مطہرہ میں نکاح کے لیے کوئی خاص وقت یا کسی خاص دن کی قید نہیں ہے اور نہ کسی دن نکاح کرنا منع ہے، بلکہ سال بھر میں ہر وقت نکاح کیا جاسکتا ہے، لہذا رمضان المبارک میں بھی دن اور رات کسی بھی وقت نکاح کرنا جائز ہے، البتہ دن میں روزہ کی حالت میں ازدواجی تعلق قائم کرنا جائز نہیں ہے،  باقی رمضان المبارک میں نکاح کرنے سے متعلق کسی خاص فضیلت کا منقول ہونا ہمیں نہیں مل سکا۔فقط واللہ اعلم