سونے کے کیس والی گھڑی

جس گھڑی کا کیس سونے کا ہو، مردوں کے لیے اس کا استعمال جائز نہیں ہے۔

فتاوی رشیدیہ میں ہے :

’’جس گھڑی کا کیس چاندی کا ہو یا سونے کا ہو یا چاندی سونا اس میں غالب ہو اس گھڑی کا استعمال، اس کو چلانا، اس میں ساعت کا دیکھنا منع ہے‘‘۔ (ص۶۰۲، عالمی مجلس تحفظ اسلام)

امداد الفتاوی میں ہے:

’’جس گھڑی کا کیس چاندی کا ہو اس کا استعمال جائز نہیں‘‘۔ (ج۴ / ص۱۳۳، مکتبہ دار العلوم کراچی)

فتاوی محمودیہ میں ہے :

’’سوال : جیبی گھڑِی کا کیس چاندی کا ہو تو اس کا استعمال کرنا کیسا ہے؟

جواب : ناجائز ہے‘‘۔ (ج۱۹ / ص ۳۶۷، دار الافتاء فاروقیہ) فقط واللہ اعلم