دانتوں پر کور لگوانے کی صورت میں غسل کا حکم

 دانتوں پر کور  اگر اس طرح لگوائے ہوں کہ جب چاہیں انہیں نکالا جاسکتا ہو تو پھر فرض غسل کرتے وقت ان مصنوعی دانتوں (یعنی دانتوں کے کور) کو ہٹا کر کلی کرنا لازم ہوگا، ورنہ غسل نہیں ہوگا۔  لیکن اگر  مصنوعی  دانت اس طور پر لگوائے گئے ہوں کہ بلا مشقت ان کو ہٹانا ممکن نہ ہو تو پھر وہ جسم کا حصہ شمار ہوں گے اور فرض غسل  کرتے وقت انہیں نکالنے کی ضرورت نہیں ہوگی، بلکہ ان دانتوں کی موجودگی میں کلی کرنا کافی ہوگا۔ فقط واللہ اعلم