رخصتی سے قبل منکوحہ کو گھمانے لے کر جانا

باقاعدہ نکاح ہوجانے کے  بعد اپنی منکوحہ سے ملنا، اس سے باتیں کرنا یا اسے اپنے ساتھ پردہ میں لے کر کہیں جانا یہاں تک کہ اس سے صحبت کرنا شرعاً جائز ہے۔

  البتہ باقاعدہ رخصتی سے پہلے تنہائی میں ملنا، یا لے کر جانا ہمارے عرف و معاشرے میں معیوب سمجھاجاتاہے، اس لیے اس سے اجتناب کرنا چاہیے، بسا اوقات رخصتی سے قبل یوں ملنا اور باہر جانا بڑے فساد بلکہ رشتہ کے ٹوٹنے کا ذریعہ بن جاتا ہے، لہٰذا آج کے دور میں نا ملنا ہی بہتر ہے، اور رخصتی میں بلاوجہ تاخیر بھی مناسب نہیں ہے۔

"(هو) عند الفقهاء (عقد يفيد ملك المتعة) أي حل استمتاع الرجل من امرأة لم يمنع من نكاحها مانع شرعي". (فتاوی شامی، ۳/۳، سعید) فقط واللہ اعلم