نماز میں قعدہ اخیرہ میں دعائیں مانگنا

نماز میں قعدۂ اخیرہ میں درود شریف اور دعاؤں کے بعد منفرد اور مقتدی (اگر موقع ہوتو) قرآن وحدیث سے منقول دعائیں پڑھ سکتے ہیں، لیکن ایسی دعائیں کرنا  جو لوگوں کے کلام سے مشابہ ہوں درست نہیں ہے، اور اگرکوئی شخص  امام ہو تو اسے اس بات  کا لحاظ رکھنا چاہیے کہ طویل دعاؤں کی وجہ سے  مقتدیوں کو گرانی نہ ہو، تاہم معتدل مقدار کی ایک سے زائد دعائیں امام پڑھ لے تو حرج نہیں؛ تاکہ مقتدی درود شریف اور دعا سے فارغ ہوجائیں، البتہ قومہ، جلسہ، اور سجدہ وغیرہ کی دعائیں امام کو نہیں پڑھنی چاہییں۔ فقط واللہ اعلم