پارٹنرشپ میں تنخواہ مقرر کرنا

شراکت (پارٹنرشپ) میں کسی شریک کے لیے متعین تنخواہ مقرر کرا جائز نہیں ہے۔ صحیح طریقہ یہ ہے کہ شرکاء کے سرمایہ اور محنت کو دیکھ کر ہر ایک کا نفع میں سے خاص تناسب فیصد کے اعتبار سے طے کرلیا جائے، یعنی اگر ایک شریک محنت زیادہ کرتا ہے تو نفع میں اس کا فیصدی حصہ دوسرے شریک کی نسبت زیادہ رکھا جاسکتاہے۔

"فتاوی شامی" میں ہے:

"(قوله: والربح إلخ) حاصله أن الشركة الفاسدة إما بدون مال أو به من الجانبين أو من أحدهما، فحكم الأولى أن الربح فيها للعامل كما علمت، والثانية بقدر المال، ولم يذكر أن لأحدهم أجراً ؛ لأنه لا أجر للشريك في العمل بالمشترك كما ذكروه في قفيز الطحان". (4/326،دارالفکر) فقط واللہ اعلم