وتر کی قضا

فرض نمازوں کی طرح وتر کی نماز فوت ہوجانے کی صورت میں اس کی قضا نماز پڑھنا لازم ہے؛ لہذا صورتِ مسئولہ میں فجر کی نماز سے پہلے وتر کی قضا کرے۔ 

اور اگر صاحبِ ترتیب نہ ہو تو مکروہ اوقات کے علاوہ اوقات میں وتر کی نماز کی قضا کرلے اور تمام قضا نمازوں کی فکر کرے۔ تاہم لوگوں کے سامنے قضا نمازیں نہ پڑھے؛ تاکہ اس کی کوتاہی پر لوگ مطلع نہ ہوں۔ اور آئندہ اگر تہجد میں اٹھنے کا غالب گمان نہ ہو تو سونے سے پہلے وتر کی نماز ادا کرلی جائے۔

الفتاوى الهندية (1 / 111):
"ويجب القضاء بتركه ناسيًا أو عامدًا وإن طالت المدة ولايجوز بدون نية الوتر".

الدر المختار وحاشية ابن عابدين (رد المحتار) (2 / 6):
"أما في القضاء عند الناس فلايرفع حتى لايطلع أحد على تقصيره". فقط واللہ اعلم