عبد الرحمن یا عبد الرزاق نامی شخص کو صرف رحمن یا رزاق کہہ کر پکارنا

اگر کسی شخص کا نام مثلاً ’’عبد الرحمن‘‘ یا ’’عبد الرزاق‘‘ ہو  یعنی اللہ تعالیٰ کے ایسے صفاتی ناموں پر مشتمل ہو جن کا استعمال غیراللہ کے لیے نہ کیا جا سکتا ہو  تو اس نام کے ساتھ ’’عبد‘‘  لگانا ضروری ہے، اگر کوئی شخص نہ لگائے تو وہ گناہ کا مرتکب ہو گا۔ اس کے متعلق  مفتی محمد شفیع صاحب رحمہ اللہ لکھتے ہیں:

’’ایسا کرنا گناہِ کبیرہ ہے،  جتنی مرتبہ یہ لفظ پکارا جاتا ہے اتنی ہی مرتبہ گناہِ کبیرہ کا ارتکاب ہوتا ہے اور سننے والا بھی گناہ سے خالی نہیں ہوتا‘‘۔ (تفسیر معارف القرآن، تفسیر آیت ۱۸۰،ص ۱۳۲، ج ۴)

اگر سننے والا اس طرح پکارے جانے پر راضی نہ ہو تو سننے والا گناہ گار نہ ہو گا۔ فقط واللہ اعلم