نفاس کا خون اگر چالیس دن کے بعد بھی آئے تو نماز پڑھنا شروع کرے یا نہیں؟

نفاس کی اکثر (زیادہ سے زیادہ) مدت چالیس دن ہے، چالیس دن کے بعد آنے والا خون حتمی طور پر استحاضہ ہوگا، اس لیے چالیس دن پورے ہونے کے بعد نماز شروع کردینی چاہیے، چاہے خون آنا بند ہو یا نہ ہو، بلکہ اگر اس سے پہلے بھی نفاس آیا ہو (یعنی اس سے پہلے بھی بچے ہوں اور اس کے بعد نفاس کی کوئی عادت ہو) تو اس کے دنوں کی تعداد اہلِ علم حضرات کو بتاکر یہ پوچھ لیا جائے کہ چالیس دن تک جو نمازیں نہیں پڑھی  ہیں ان دنوں میں سے کچھ دن کی نمازوں کی قضا کرنی ہے یا نہیں؟ فقط واللہ اعلم