اگر کہہ دوں طلاق دیتا ہوں ...

صورتِ مسئولہ میں شوہر نے جو بات کہی’’جب بھی گھر۔۔۔الخ‘‘ اگر یہ پوری بات کہتے ہوئے درمیان میں کوئی انقطاع نہیں تھا،  تسلسل اور اتصال تھا تو اس میں حال( ابھی طلاق دینا)  اور استقبال( طلاق کی دھمکی) دونوں کا احتمال ہے یعنی یہ مراد بھی ہوسکتی ہے اگر میں طلاق دیتا ہوں کہہ دوں تو تو جدا ہوجائے گی، اس صورت میں طلاق واقع نہ ہوگی، یایہ بھی احتمال ہے کہ وہ الفاظ ابھی کہہ دیتا ہوں، اس صورت میں طلاق واقع ہوجائے گی، لہذا شوہر اگر قسم کھا کر ابھی طلاق دینے کی نیت ہونے کا انکار کردے تو اس کی بات تسلیم کی جائے گی اور طلاق نہ ہوگی، اور اگر ’’وہ الفاظ یہ ہیں، طلاق۔۔۔الخ‘‘ کا پچھلی بات سے اتصال نہیں تھا اور پچھلی بات کے تسلسل میں یہ بات نہیں کہی تو تینوں طلاقیں واقع ہوجائیں گی۔فقط واللہ اعلم