گدھے کا گوشت کھانے کا حکم

رسول اللہ صلی اللہ علیہ وسلم نے گدھے کو حرام قرار دیا ہے؛  اس لیے گدھے کا گوشت کھانا حرام ہے۔

صحیح مسلم میں ہے:

’’عن أبي ثعلبة الخشني: حرم رسول الله صلي الله عليه وسلم لحوم الحمر الأهلية‘‘. (رقم: ١٩٣٦)

ترجمہ: رسول اکرم صلی اللہ علیہ وسلم نے گدھے کے گوشت کو حرام قرار دے دیا۔

صحیح بخاری میں ہے:

’’نهى النبي صلى الله عليه وسلم يوم خيبر عن لحوم الحمر، و رخص في لحوم الخيل‘‘. (رقم: ٥٥٢٤، راوي: جابر بن الله)

ترجمہ: غزوہ خیبر کے روز  نبی اکرم صلی اللہ علیہ وسلم نے گدھے کا گوشت (کھانے سے)  منع کردیا اور گھوڑے کا گوشت کھانے کی اجازت مرحمت فرمائی۔

باقی اس سے متعلق اگر آپ  کوئی خاص سوال پوچھنا چاہتے ہیں تو  اس کو وضاحت کے ساتھ لکھ کر بھیج دیں، اس کا جواب دے دیا جائے گا ان شاء اللہ۔فقط واللہ اعلم