ملی نغمے سننے کا حکم

 اچھے اَشعار ترنم کے ساتھ پڑھنا اور سننا درج ذیل شرائط کے ساتھ جائز ہے:

(1) پڑھنے والا پیشہ ور گویا، فاسق، بے رِیش لڑکا یا عورت نہ ہو۔

(2) اَشعار کا مضمون خلافِ شرع نہ ہو۔

(3)  ساز و آلاتِ موسیقی نہ ہوں۔

(4)  مجلس معصیت کی نہ ہو۔

لہذا اگر ملی نغموں میں درج بالا شرائط کی رعایت کی جائے تو ان کا سننا جائز ہے، اور اگر ان میں سے کوئی ایک بھی شرط نہیں پائی جائے تو ان کا سننا جائز نہیں ہوگا۔فقط واللہ اعلم