اگر کسی مسجد میں امام پابندی سے نماز پڑھنے نہ آتے ہوں اس مسجد میں جمعہ پڑھنے کا حکم

جمعہ کی نماز صحیح ہونے کی شرائط میں یہ شرط نہیں ہے کہ اس مسجد میں پابندی سے ایک امام نماز پڑھاتے ہوں؛  اس لیے اگر آپ کی مسجد میں امام صاحب پابندی سے نماز پڑھانے نہیں آ پاتے اور لوگ امام صاحب کے علاوہ دیگر ائمہ کی اقتدا  میں نماز پڑھتے ہیں تو اس کی وجہ سے جمعہ کی نماز کی صحت پر کوئی اثر نہیں پڑے گا، اس مسجد میں ان ہی  امام صاحب کی اقتدا میں جمعہ کی نماز ادا کرنا بالکل درست ہے. فقط واللہ اعلم