موٹر سائیکل پر سفر کرتے ہوئے کھانے کی چیز اس کے سائیڈ جیب پر رکھنا
سوال
جو لوگ عموماً آفس یا اپنے کام پر بائیک پر جاتے ہیں تو بائیک کی سائڈ پاکٹ میں سالن، روٹی یا چاول وغیرہ رکھتے ہیں اور باربار اس پر پاؤں بھی لگتا ہے تو آیا اس طرح رکھنا رزق کی بے حرمتی میں تو نہیں آئے گا؟
جواب
صورتِ مسئولہ میں بہتر تو یہی ہے کہ کھانے کی چیز بائک پر جاتے ہوئے آگے ہینڈل سے لٹکالیں یا ٹنکی وغیرہ پر رکھ دیں؛ تاکہ رزق کی قدر وعظمت ہو، اگر کسی وجہ سے یہ ممکن نہ ہو اور کھانے کی چیز کسی برتن یا تھیلی وغیرہ کے اندر ہو تو ان کو سائٹ جیب میں رکھ لینے کی بھی گنجائش ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144105200037
تاریخ29-12-2019
