نماز کے دوران وضو ٹوٹ جائے تو کیا کریں؟

جماعت کی نماز میں اگر  وضو ٹوٹ جائے تو  اس سے نماز ٹوٹ جائے گی، اس حالت میں نماز پڑھنے سے نماز ادا نہیں ہوگی، ایسی صورت میں  صفوں میں جس جانب سے راستہ ہو مسجد سے باہر نکل جائے، ورنہ صفوں کو چیرتے ہوئے نکل  جائے  اور دوبارہ وضو کرکے از سرِ نو  نماز  شروع کر  لینا بہتر ہے۔

اگر ایسی صورت میں لوگوں سے حیا آتی ہو تو ناک یا منہ پر ہاتھ یا کپڑا وغیرہ رکھ کر ایسا انداز اختیار کرسکتے ہیں جس سے دیکھنے والے کو یہ معلوم ہو کہ ناک یا منہ سے خون آرہاہے۔ فقط واللہ اعلم